Fondo

Tailerrak

Astelehenero Sekeko gaztetxean 17:00-20:00 txalaparta eta kitarra tailerrak, animatu eta parte hartu zure herriko Gaztetxean!

Asanblada Eguenetan

Eguenero Sekeko gaztetxean 19.00, animatu eta parte hartu zure herriko Gaztetxean!

Domeka Beroak

Domekero Sekeko gaztetxean 19:00etatik aurrera hanburgesa gozo eta giro ederraz gozatu!

2010/12/30

Ordiziako gaztetxeak 25 urte...Zorionak!

2010/12/26

Beriainera Irteera


Euskal Herriko bazterrak ezagutzen jarraitzeko, Sekeko Mendi Taldearen eskutik, Urtarrilak 3 eta 4a, Beriain mendira egingo den irteerara gonbidapena luzatzen dizuegu.

Sopelako gazteon harremanak sendotzeko eta Nafarroako mendirik ikusgarrienetariko bat ikusteko, anima zaitez eta parte hartu.

Irtetzeko eta itzultzeko orduak zehazteke daude. Afaria eta gaua pasa, Altsasuko Gaztetxean. Apuntatzeko bidali iezaiguzu email bat sopelakoga@gmail.com -era edota pasa zaitez domekan Sekeko Gaztetxetik. 
 ANIMO!!

Jon Anza


Irailaren 20an, Jon Anzaren heriotza salatzeko, Udaletxe aurrean burutu egin zen kontzentrazioan, pankarta eusten zeuden pertsonak identifikatu zituzten, kontzentrazioa burutzeko baimena ez zegoelaren aitzakiagaz.

Hiru hilabete eta gero identifikatuak izan ziren bi gazteei 500 euroko isuna ordaintzera behartzen dituzte.

Ion Anza Euskal Herriaren askatasunagatik bizitza eman zuen, horregatik gure oroitzapen eta omenaldi indartsuena merezi zuela eta merezi duela argi ikusten dugu. Gure eredu izango delako eta gure bihotzetan eramango dugulako, isildu nahi gaituztenen aurrean, berriz ere ozenki oihukatzen dugu:                                                                                                                                                     

   JON  ANZA  ERAHILA!!   
HERRIAK EZ DU BARKATUKO!! 

 

2010/12/23

Olentzero Badator!!

Bariku honetan, Abenduak 24,  arratsaldeko 18.00etan udaletxetik hasita, gabon gaua ospatzeko herritik poteo bat egingo dogu herriko hainbat tabernetatik zehar, eleizalde kalean bukatuz. Bertan txokolatada bat egingo dugu, sabelak, apur bet, betetzeko. Saiatu zaitezte baserritarrez jantzita etortzen, giro paregabea sortzeko. Hona hemen abestuko ditugun abestiak:


 OLENTZERO

Gazteok dekogunez asko esateko

gabon garaian gatoz gazte bezain terko

Olentzero ez dogu asko eskatzeko

oparirik onena delako sekeko!

Gora! Gora! Gure gaztetxea

Sopelak behar dauen gazteen etxea

noiztik da delitua espabilatzea

antolatzea eta indarrak batzea?

Mugitzen segi nahi badozue

behar dan indarrarekin 

autogestio bidea zein dan

gure badozue jakin

erdu hona gurekin (bis)

Gazte Asanbladarekin!


HATOR, HATOR

Hator, hator preso etxera

askatasuna gozatzera

gabon gaua ospatutzeko

maite zaituztenekin batera

ikus dezagun ama barrezka

ta aita bere antzera!

Gabi eta Iontxu beste guztiak bezela

sopelan behar direla (bis)

esan dezagun!

Gabon gaua pozik igaro daigun!

 ANIMATU ZAITEZTE!!

2010/12/22

III.Euskal Herriko Mus Txapelketa



Aurten eta bigarren aldiz, Sopelan, Sekeko Gaztetxean III.Euskal herriko mus txapelketa jokatu da. Giro bikainean sortutako kanporaketan, Antxon eta Enry irabazi dute.  Sopelako muslari guztien partez, sorte on opa diegu, txapela Sopelara ekar dezaten. ANIMO BIKOTE!!

2010/12/19

Urtarrilak 8 Bilbora!

Euskal jendarteari,nahikoa delako,Egin dezagun urratsa

Euskal Herriko biztanleak eta Euskal Herriaren lagunak gara. Mendeetan auzolana, hizkuntza, duintasuna, konpromisoa, elkartasuna, lana eta sufrimenduaren bitartez landu dugun harria. Itxaropenaren aroan sartzea desiratzen duen herria da gurea. Bihotzean mina dugu ordea, gure senide, lagun eta herrikide diren euskal preso politikoek pairatzen duten eskubide urraketaren aurrean.

Euskal jendarteak eta nazioarteko hainbat erakundek hamarnaka aldiz deitoratu dute krudelkeria oinarri duen eta so frikarioa besterik ez dakarren espetxe politika hau. Gure se nide, lagun eta herrikide diren euskal presoen eskubideekin nahi erara jolasten dute.Hala juzkatzen dugu frantziar zein espainiar Estatuek aplikatzen duten sakabanaketa politika; gaixotasun larriak dituzten presoak gatibu mantentzea; bizitza osoko espetxe zigorra; 3/4ak beteta dituzten presoak kartzelean mantentzea; isolamendua; bakartzea; aurrez aurreko bisitetan jasan beharreko tratu umiliagarria, elkartasunaren kriminalizazioa eta abar. Zalantzarik gabe, beren beregi eraikitako kartzela sistema ankerrena. Gizabanakoa suntsitu eta euskal jendartea bete-betean kolpatzeko ahalegina. Zitalkeria andana hori ote herri bat justiziazko bakera eraman dezakeen bidea?Euskal Herriaren gehiengo zabalak ezetz dio.

Horregatik, nahikoa dela esaten dugu. Euskal Herria aro berri baten atarian dagoela sinisten dugu eta lehen premia larrizkoa izan dena, orain are gehiago; gure senideen zein gure egoeran berehalako aldaketak eragitea ezinbestekoa iruditzen zaigu: Sakabanaketarekin amaitzea, gaixotasun larriak dituztenen kaleratzea, bizi guztiko kartzela zigorra bertan behera geratzea eta espetxe barruan ematen diren hainbat eskubide urrakerarekin bukatzea.Orain arte egin dugun gisara, nekatu gabe eta hala egingo den arte, euskal preso politikoak eta euren senideen bizitzak inpunitate osoz egunero erruleta zital eta krudelean ezartzen dituen espetxe politika horrekin amaitu behar dela aldarrikatzen dugu. Edozein demokraziaren oinarri oinarrizko beteharrak liratekenak baino ez ditugu eskatzen. Justiziazko eta bakezko aro beharko lukeenari arnasa emango dioten neurriak. Alderantzizkoak, egoera honek alegia, balizko aro berri bati arnasa ukatzen baitio.

Hortaz, berriz ere, eta azken aldia izan beharko litzatekeenaren ustearekin, zuregana jotzen dugu. Espetxe politika honen sufrimendu gain-zama buka dadin laguntza eskatzen dizugu. Guztion esku dagoelako egoera hau aldatzea. Herritar orori dagokigun betebeharra dela uste dugulako. Euskal preso politikoen eskubideen defentsa, herritar ororen eskubideen defentsa ere badelako. Espetxe politika honen amaierak, aro berri baten hasera ekar dezan.Demokrazia nahi dugulako. Nahikoa delako. Herri honek sufrimenduzko eta bidegabekeriazko aro hau atzean utzi eta bere bidean aurrera egin nahi duelako, datorren urtarrilaren 8an, “Euskal PresoakEuskal Herrira eskubide guztiekin, EGIN DEZAGUN URRATSA”lelopean mani festazio nazionala egingo dugu Bilbon.
http://www.egindezagunurratsa.info/index.php

2010/12/16

Estatu faxista espainolak barriro kolpatzen dau

Grande-Marlaska epailearen aginduz, Espainiako poliziak bi abokatu eta sei gazte independentista atxilotu ditu.Guztiei Segiko kide izatea leporatzen die.
http://www.askatu.org/berria.php?id_edukia=5207&lang=eu
http://www.gara.net/gaiak/atxiloketak/
Aski da!
Errepresioarekin amaitu!

Alfon eta Xabiren aldeko manifestazioa

Plentzia ta Gorlizetik bidalitako oharra:

2009ko abenduaren 18an Gorlizen gure laguna, kidea, auzokidea, Xabi de la Maza polizia espainolak atxilotu zuen. Segi gazte erakundearen kontrako operazioaren baitan atxilotu izan zuten.

Polizia Nazionalaren esku 3 egunez inkomunikaturik egon ondoren, Fernando Grande-Marlasca epaileak espetxera bidali zuen. Inkomunikazioa altxatu ostean, Xabierrek poliziaren esku egondako egunetan etengabeko mehatxuak eta irainak jasan zituela salatu zuen. 2010eko uztailak 13, Xabik bere tortura salaketa berretsi zuen Alicanteko epaitegiaren aurrean.

Xabi, beste hainbat gaztek bezala, herria hobetu eta aldatu nahian ibili da betidanik. Xabik, beste hainbat gaztek bezala, ikasten du. Xabik, beste hainbat gaztek bezala, kirola maitatzen du. Xabik, beste hainbat gazte bezala, bere koadrilarekin jaiez gozatzen du. Xabik, beste hainbat gazte bezala, lan egiten du. Xabik, beste hainbat gaztek bezala, musika egiten du. Xabik, beste pertsona guztiek bezala, bere familia maite du. Xabi gure laguna da! Zein da bere delitua? Gazte eta aske izatea! Xabi, Euskal Herriko hainbat gazte bezala, ez da bere ideiengatik atxilotua izan, baizik eta atxilotu dituzten ideiengatik, euskal gazteriarengan duten beldurragatik.

Aurten Alfonso Etxegaraik 25 urte bete ditu deserrian. 1986ko abuztuko 14tik dago munduko herrialderik txiroenetakoa den Sao Tome eta Principeko Errepublika Demokratikoan, Ginea Golkoko 1.001 kilometro kuadroko eta 160.000 bat biztanleko herrialdean. Horra, Ekuadorreko Poliziak indarrez eta inolako lege-izapiderik egin gabe eraman zuen. Gainera, zazpi hilabete lehenago, bertako Poliziak metraileta buruan jarrita bahitu zuen, Espainiako zerbitzu sekretu edota segurtasun indarretako kideek bahituta zegoen Juan Pedro Guzman Athleticeko zuzendaritzakideari buruzko informazioa lortzeko torturatu zezaten.


Guzti honen aurrean ezin gara isilik geratuko, hori baita espainiar eta frantses gobernuek nahi dutena. Bakoitzak bere esparruan (etxean, ikastetxean, unibertsitatean, musika taldean, lokalean, gaztetxean, kirol taldean…) ekin dezagun batera egoera honen aurka. Jakin dezatela ez dugula etsiko Xabi eta Alfon etxera ekarri arte, sistema hau suntsitu arte.

XABI ETA ALFON ASKATU!!
Abenduaren 18an, 19:00etan manifestazioa Gorlizko eliz enparantzatik.

2000 euroko isuna...

Orain dela urte bat gutxi gora behera etxe huts eta zistrin bat okupatu zuten Larrabetzuko auzoan neska mutil batzuek. Jabeek etxean desperfektuak salatu zituzten eta horren ondorioz 1000 euroko isuna ordaindu beharko dute. Hilabete batzuetara kale gorrian egonezinez beste etxe bat okupatu zuten, kasu honetan, Sopelako auzoan, Ganebarri gaztetxe ohia.

Bertan hiru hilabetez lanean jardun zuten eta tamalgarri zegoena, etxe gozo batetan bihurtu zuten ekinaren ekinez. Honen jabeak (Sopelako gazteen okupaziotik hortik pasa ez zela aitortu zuen), Sopelako munizipalekin, atea apurtu eta etxean sartu ziren neska mutilak bertan aurkitzen ez zirenean. Geroago denuntzia jarri eta 700 euroko isunarekin bertatik bota eta sua eman zion etxeari (bertan norbait lo egiten zebilela). Gaur egun espekulazioa bizi da bertan diruaren menpe Sopelako udaletxearen babesean.

Espekulazioari aurre egin!
Etxeak okupatu, guneak askatu!
Bizizazu borrokan!
Isunei aurre egiteko kontzertuak Itzubaltzetan

2010/12/15

Euskal Herriko III. Mus Txapelketa


Berriz da gurekin Euskal Herriko Mus Federazioa aldarrikatzeko jolastuko den III.MUS TXAPELKETA. Denon artean lortuko dugulako, jaso ezazu hordagoa eta parte hartu!

EGUNA: Abenduak 19, Domeka
ORDUA: 16:00etan
LEKUA: Sekeko Gaztetxean
IZENA EMATEKO: Sopelako Herriko Tabernan edo Plaza Beltza kulturgunean (20 euro bikoteko)

2010/12/14

TRUKE AZOKA zapatuan!














Zapatu honetan hilak 18, 11:00etatik aurrera Truke Azoka burutuko dugu udaletxeko plazan. Ekarri zure gauzak, erabiltzen ez dituzunak, eta trukatu gustukoa duzun beste zerbaitengatik. Musika, arropa, liburuak, apaingarriak, jostailuak... nahi dozuna!!
Trukea = Ez kontsumitzea, birziklatzea, berrerabiltzea..

Animatu eta etorri TRUKATZERA!!

2010/12/13

Software libreari buruzko HITZALDIA

Bariku honetan Sofware libreari buruzko hitzaldia izango da Sekeko Gaztetxean 18:00retan. Hitzaldi hau tailer ezberdinen abiapuntu izateko asmoarekin antolatu dugu, beraz, software librea zer den eta zertan datzan jakin nahi badozu etorri zaitez barikuko hitzaldira.

Gozatu gaztetxea!

Arnaldo Otegi aske!


http://www.arnaldotegi.com/

Gazte Asanblada sopeloztarra prozesu politiko barriaren alde!

2010/12/11

LA HAINE

Domeka honetan, 18:30tan, zinemaldia daukagu Gaztetxean. Rompekulos kuadrillaren eskutik LA HAINE filmea ikusgai eukiko dugu.

SINOPSIA La Haine (Gorrotoa, euskaraz) Mathieu Kassovitzek zuzendutako film frantziarra da. 1995ean estreinatu zen, eta gizartetik baztertutako hiru gazteren (judu bat, arabiar bat eta beltz bat) bizitza kontatzen du. Istorioa Parisko auzo baztertu batean kokatzen da, 1990eko hamarkadako erdialdera.

Pelikularen ostean... Domeka beroa: Hanburgesak, musika eta giro ona!

2010/12/10

AHTren aurkako manifestazioa

ABENDUKO AGENDA beteta dator!


ABENDUAK 11 zapatua(Sekeko gaztetxean)
SKA DANTZALDIA 21:00etan. Cable Street Beat taldearen eskutik.

ABENDUAK 12 domeka (Sekeko gaztetxean)
DOMEKA BEROA; musika, hanburgesak, giroa..
ZINEMALDIA 18:30tan.LA HAINE.

ABENDUAK 17 barikua (Sekeko gaztetxean)
SOFTWARE LIBREari buruzko hitzaldia 18:30etan.

ABENDUAK 18 zapatua (udaletxeko plazan)
TRUKE AZOKA 11:00tan.

ABENDUAK 19 domeka(Sekeko gaztetxean)
EHko MUS TXAPELKETA 17:00etan.
DOMEKA BEROA: musika, hanburgesak, giroa...

ABENDUAK 24 barikua(Sekeko gaztetxean)
TXOKOLATADA (Olentzeroren jeitsiera ostean).

ABENDUAK 26 domeka(Sekeko gaztetxean)
DOMEKA BEROA: musika, hanburgesak, giroa...
ZINEMALDIA 18:30tan.

2010/12/08

GOZA EZAZU GAZTETXEA



Goza ezazu gaztetxea, pelikulak,domeka beroak,kontzertuak,informazioa,ikastaroak...

2010/12/06

ABENDUAK 12, XABI ETA ALFONEN ALDEKO MENDI MARTXA


Plentziatik:

2009ko abenduaren 18an Gorlizen gure laguna, kidea,
auzokidea, Xabi de la Maza polizia espainolak atxilotu zuen.
Segi gazte erakundearen kontrako operazioaren baitan
atxilotu izan zuten: poliziek Xabiren lagunak pistolagaz
mehatxatu zituzten, zer gertatzen zen galdetzera joan
zirenean.

Polizia Nazionalaren esku 3 egunez inkomunikaturik egon
ondoren, Fernando Grande-Marlasca epaileak espetxera bidali
zuen. Inkomunikazioa altxatu ostean, Xabierrek poliziaren
esku egondako egunetan etengabeko mehatxuak eta irainak
jasan zituela salatu zuen. 2010eko uztailak 13, Xabik bere
tortura salaketa berretsi zuen Alicanteko epaitegiaren
aurrean.

Xabi, beste hainbat gazte bezala, herria hobetu eta aldatu
nahian ibili da betidanik. Xabik, beste hainbat gaztek
bezala, ikasten du. Xabik, beste hainbat gaztek bezala,
kirola maitatzen du. Xabik, beste hainbat gaztek bezala, bere
koadrilarekin jaiez gozatzen du. Xabik, beste hainbat gaztek
bezala, lan egiten du. Xabik, beste hainbat gaztek bezala,
musika egiten du. Xabik, beste pertsona guztiek bezala, bere
familia maite du. Xabi gure laguna da! Zein da bere delitua?
Gazte eta aske izatea! Xabi, Euskal Herriko hainbat gazte
bezala, ez da bere ideiengatik atxilotua izan, baizik eta
atxilotu dituzten ideiengatik, euskal gazteriarengan duten
beldurragatik.

Aurten Alfonso Etxegaraik 25 urte bete ditu deserrian.
1986ko abuztuko 14tik dago munduko herrialderik
txiroenetakoa den Sao Tome eta Principeko Errepublika
Demokratikoan, Ginea Golkoko 1.001 kilometro kuadroko eta
160.000 bat biztanleko herrialdean. Horra, Ekuadorreko
Poliziak indarrez eta inolako lege-izapiderik egin gabe
eraman zuen. Gainera, zazpi hilabete lehenago, bertako
Poliziak metraileta buruan jarrita bahitu zuen, Espainiako
zerbitzu sekretu edota segurtasun indarretako kideek
bahituta zegoen Juan Pedro Guzman Athleticeko
zuzendaritzakideari buruzko informazioa lortzeko torturatu
zezaten.

Guzti honen aurrean ezin gara isilik geratuko, hori baita
espainiar eta frantses gobernuek nahi dutena. Bakoitzak bere
esparruan (etxean, ikastetxean, unibertsitatean, musika
taldean, lokalean, gaztetxean, kirol taldean...) ekin
dezagun batera egoera honen aurka. Jakin dezatela ez dugula
etsiko Xabi eta Alfon etxera ekarri arte, sistema hau
suntsitu arte.

Abenduaren 12an, igandea, gure lagunak pausoz pauso Plentzia
eta Gorlizera hurbiltzeko Astondotik Armintzara mendi martxa
burutuko dugu. Armintzako frontoian bazkalduko dugu
(bakoitzak bere bazkaria eraman beharko du eta denon artean
konpartituko dugu)

ALFON ETA XABI ETXERA!
Euskal Presoak Euskal Herrira, dagozkien eskubide guztien
jabe!

Zinemaldia domekan: LA HAINE


Domeka honetan, 18:30tan, zinemaldia daukagu Gaztetxean. Rompekulos kuadrillaren eskutik LA HAINE filmea ikusgai eukiko dugu.
SINOPSIA La Haine (Gorrotoa, euskaraz) Mathieu Kassovitzek zuzendutako film frantziarra da. 1995ean estreinatu zen, eta gizartetik baztertutako hiru gazteren (judu bat, arabiar bat eta beltz bat) bizitza kontatzen du. Istorioa Parisko auzo baztertu batean kokatzen da, 1990eko hamarkadako erdialdera.
Pelikularen ostean... Domeka beroa: Hanburgesak, musika eta giro ona!

2010/12/03

SKA DANTZALDIA Gaztetxean!!


Abenduak 11 zapatua, 21:00etan, Ska Dantzaldia egongo da Sekeko Gaztetxean. Cable Street Beat taldeak antolatu egiten du eta DJak; Upstart eta Maiakovsky izango dira.
Anima zaitezte eta musikaz gozatu gaztetxean!

2010/12/02

Barakaldoko gazte asanbladak desalojoaren harira


Barakaldoko gazte asanblada:

Atzo, abenduak 1, goizeko 7 t´erdiak aldera, Barakaldoko udaltzaingoaren eskutik, Oleta Gaztetxea desalojatu dute. Gaztetxearen zenbait ate, horma eta leihoak hausten eta auzokideen arabera, bortizki sartu dira gaztetxean, bai eraikin handian bai ondoan dauden bi etxetxoetan. Barakaldoko Gazte Asanbladaren izenean, gazteon aurkako hamaikagarren jazarpen hau salatu nahi dugu. Kolore desberdineko poliziak, indar erakustaldi faxista bat aurkeztu dute herrian, bai gazteon lana hautsi nahian bai bere jarrera harroputza plazaratzen. Beraz, udal jaun-andre faxistok birgogoratu nahi dizuegu herri honetako zein Euskal Herriko gazteriak, sistema kapitalista, zapaltzaile eta errepresibo honen aurrean tinko jardungo duela. Gazte Asanbladak hainbat alditan adierazi eta demostratu duen bezala, sineste sendoa dauka gazteon beharrizanei alternatiba errealak eskaintzeko. 2007ko Martxoaren 21ean, autogestioaren eta erresistentziaren sinbolo zen Dorretxea birrindu zeniguten. Iaz, zehazki, Abenduaren 1ean, San Bizente auzoan zegoen Makala eta atzo, Oleta Gaztetxearen aurkako basakeria pairatu genuen. Baina apurtu dituzuen horma zein kristal bakoitzeko gure proiektuaren indarrak gogortzen dira. Indar horiek, gainera, badute beren ondorioak: ERANTZUNA. Esan bezala, batzuek hilik ikusi nahi dituzten kaleak bizitasunez betetzen ditugu, Barakaldori ematen diozuen ustel usaina Gazte Asanbladaren askatasun irrikarekin egiten diogu aurre eta. Honela izan da orain arte eta honela izango da aurrerantzean.
Bukatzeko, dei egin nahi diegu Barakaldoko eta Euskal Herriko gazteei, bai gazteon aurka zuzenean, bai gure proiektuen aurkako (edozein izanda ere) erasoei dagokien neurrian erantzun, eta antolakuntza eta borrokaren bitartez erantzutera.

DESALOJORIK EZ!

OLETA GAZTETXEA AURRERA!



MOBILIZAZIOAK:
Osteguna, 2

20:00etan Manifestazioa (Bide Onera plazatik)

Ostirala, 3

11:00etan Prentsaurrekoa (Udaletxearen aurrean)

20:00etan Manifestazioa (Bide Onera)

Asteburu honetan ez dugu Domeka berorik egingo


Domeka honetan itxita egongo da Gaztetxea, beraz ez da domeka berorik egongo.
ABENDUAK 7 MARTITZENA 11:00tan: Gaztetxean konpoketa batzuk egingo ditugu
ABENBUAK 8 EGUAZTENA 11:00tan: Konpoketekin jarraituko dogu.
Anima zaitez eta erdu lanera!

2010/12/01

Oleta gaztetxea


Barakaldoko Oleta Gaztetxea desalojatzeari ekin diote Udaltzainek. 7:30etan hasi dira gaztetxearen zenbait ate hausten eta, auzokide batzuen esanetan, bortizki sartu dira gaztetxean, bai eraikin handian bai ondoan dauden bi etxetxoetan. Hainbat pertsona gerturatu dira.

ADI MOBILIZAZIOETARA!
DESALOJORIK EZ!


BGA
Barakaldoko Gazte Asanblada

2010/11/29

Eutsi gogor Oleta!


DESALOJORIK EZ!
Azaroaren 30etik aurrera Barakaldoko Udaltzaingoek,
Polizia Autonomikoarekin batera, OLETA GAZTETXEAren
desalojoa burutu dezake, berriro ere udaletxeak eta
eraikuntzaren espekulatzaileek dauzkaten interes komunak
agerian utziz.

Eraikin hau okupatu genuenean, espekulazio
basatiaren beste biktima bat baino ez zen, helburu bakar
batekin: eraitsia izango zen etxebizitza gehiago eraikitzea,
diru kantitate handiak sortuz.

Egun, ia urte bat beranduago, Barakaldoko gazteon
topagunean bilakatu dugu, gazteena eta gazteontzat
eskainitako lekua bihurtuz. Hemen daramagun denboran
zehar hamaika kultur ekintzak burutu ditugu, Bagatzako
jaietako antolakuntzan parte hartu dugu eta Barakaldoko
gazteei lokal bat eskaini diegu.

Hala ere, badirudi proiektu hau ez datorrela bat
Barakaldoko udaletxe faxistaren interesekin. Ez ditu
gazteontzako alternatibak eskaintzen eta gazteok
alternatiba horiek eskaintzeko baliabideak ditugunean beti
oztopoak jartzen ditu hauek suntsituz. Gainera, “usurpazio”
delitu bat leporatuta, 5 gazte inputatuak daude. Beraz,
beste behin ere, PSOE-PPk errepresioa eta indarkeria
erabili du gazte konprometitu eta antolatuen lana bidetik
kentzeko. Hori dela medio, Gazte Asanbladak argi utzi nahi
du, bai gaztetxean bai kalean tinko erantzungo ditugula
jasotako erasoei, gazteria isiltzen ez garelako!

BARAKALDO GAZTEA GORRIA ETA ASKEA!

BGA
Barakaldoko Gazte Asanblada

2010/11/28

Gaur ZINEMALDIA: NOVIEMBRE


Gaur 18:30etan filmea proiektatuko da 25metro kuadrilaren eskutik. Aukeratu duten pelikula, Noviembre da.
Hemen daukazue sinopsi labur bat gaztelaniaz:
Empujado por un espíritu que todavía conserva su barniz de idealismo, Alfredo decide crear un "arte más libre, hecho con el corazón, capaz de hacer que la gente se sienta viva". Su concepto del teatro empieza más allá del escenario, se traslada a pie de calle, cara a cara con el público. Allí, en una plaza cualquiera, en un parque o en la avenida más comercial de la ciudad, Alfredo y su grupo Noviembre comienzan la función...No hay límites ni censuras, solo hay ideas que deben lograr que el espectador deje de ser espectador y pase a formar parte de la representación. El teatro como la vida, la vida como el teatro...ya no hay diferencia.

2010/11/25

Gabi Askatu!!



"Gabi etxean nahi dugu, errepresio gehiagorik ez!” lelopean Sopelako dozena bat eragile eta herritar, datorren igandean burutuko den manifestazioan parte hartzera deitu dute. Hauen artean Gazte Asanblada Sopeloztarra ere badago eta bideo honen bitartez deialdian parte hartzera deitzen dugu.


GABI ASKATU!!

2010/11/24

Iontxu askatu!

Sopelako Ion Etxegarai atxilotu egin dute gaur Madrilen, Auzitegi Nazionalaren atean, bere kabuz epailearengana aurkeztera zihoanean.

Fernando Andreu epaileak kartzelara bidali du Etxegarai, 2002ko martxoaren 15ean Getxon kutxa automatiko bat erre izana egotzita.

Gazte asanbladatik bere askatasuna eskatzen dogu! Utzi paketan Sopelako gazteria!

Gaur arratsaldeko 19:00etan kontzentrazioa udaletxe plazan.Muntai polizialik ez!

2010/11/23

ZORIONAK PLAZA BELTZA!


Poztekoa da zuen urteurrena. Hainbeste lan egin ostean ,merezitako jaia (eta borroka!)antolatu dozue.
Liburutegi soziala, berbaldiak, formakuntza politikoa, erakusketak, kontsumo taldea, literatura tailerra, bideoemanaldiak, liburu aurkezpenak...holan jarraitu!
Zorionak Gazte asanbladatik!

AUTOGESTIOA eta BORROKA!

Plaza Beltza kultur elkartearen oharra:

Hile honetan, kulturgunearen lehenengo urteurrena ospatzera goaz. Ekimen ugari antolatu doguz, gure herriko kaleak hartzeko eta urtean zehar egiten dogun lana plazaratzeko asmoarekin. Norbaitek esan zuen bezala, KALEA GUREA DA! anima zaitezte.


Egitaraua :

Barikua 26

19.00etan bizikletada koloretsua herritik zehar "AUTOGESTIOAREN ALDE. INDEPENDENTZIA OSOA" lelopean, pb kulturgunetik abiatuta.

21.00etan afaria, sopelako sekeko gaztetxean. Plaza beltzako obretan ibilitakoei, txosnako txandalariei, euren liburuak herriagaz banatu dituztenei, bazkideei, kontsumo taldekoei, proposamenak ekarri eta ekimenak antolatzen dituztenei,...moduren baten honen parte diren guztioi, omenaldia izango da. Tiketak, kulturgunean egongo dira salgai 5€tan.


Zapatua 27

11.00etatik aurrera, taldeen arteko mural lehiaketa. Herria apaintzen.

12.00etatik eta egun osoan zehar kolektibo eta banatzaileen azokatxua. Besteak beste bilboguneko hainbat talde gerturatuko dira.

18.00etan kantautorea.

19.30tan poteo musikala albokariekaz.

21.00etan KONTZERTUAK:

- ATADXS A NADA
- ODOLAZ BLAI
- J IRATZAR

Larrabasterrako urgitxeta plazan.




2010/11/22

Gabi etxean nahi dugu! Errepresio gehiagorik ez!


“Gabi etxean nahi dugu, errepresio gehiagorik ez!” lelopean, Sopelako dozena bat eragile eta herritar, datorren igandean burutuko den manifestazioan parte hartzera deitu dute.


Agerraldian irakurritako adierazpena:

Gabi etxean nahi dugu! Errepresio gehiagorik ez!

Duela aste batzuk, Gabi Basañez eta Askapena erakunde internazionalistako beste kide batzuk atxilotu eta espetxeratu zituzten. Gabik Sopelarekin lotura handia du.

Euskal Herrian benetako demokrazia eta bakea lortzeko bide berriak zabaltzen ari dira. Beraz, distentsiorako eta ezberdinen artean zubiak eraikitzeko unea da.

Baina tamalez, egoera itxaropentsu eta berrien aurrean Espainiar Gobernutik errepresioarekin erantzuten ari dira. Gero eta alderdi eta eragile gehiagok normalizaziorantz urratsak ematen ari direnean, probokazioak ere ugaltzen ari dira.

Eskubide guztien urraketarekin amaitzea jendarte gehiengoaren helburua da eta Gabi Basañezekin eta beste askorekin agiten ari direna ez da bateragarria.

Gabi eta bere familia indarkeri instituzionalaren biktimak dira. Gabi Sopelan aspaldidanik ezagutzen dugu eta badakigu bere lan politikoa eta soziala erabat zilegia, publikoa eta demokratikoa dela.

Gabik, Sopelan eta Euskal Herrian, euskararen alde lan egin du, internazionalismoaren alde ekimen publikoak eta erabat demokratikoak burutu ditu. Gabik gure itsasoko olatuekin gozatu egin du. Gabik gure jaietan beti bere ekarpen alaia eskaini digu, bai Olentzaroa prestatzen, bai herriko jaietan bere soinuari eragiten edota ikastolako aita bezala bere neurriko ekarpena egiten. Hori dela ez da delitua. Hori egiteagatik ezin dute espetxeratu.

Gaur hemen agertzen garen herritarrok, pentsamolde ezberdinekoak gara, baina Gabi ezagutzen dugu eta berari eta beste askori egindakoa ez dugu ontzat ematen.

Euskal Herrian beste aro bat zabaltzeko aukera garbia sumatzen dugu eta horrek ilusioz betetzen gaitu. Denok era eraikitzailean gure ekarpena egin behar dugu eta gure herrian gertatzen diren urraketa guztien amaiera ikusi nahi dugu. Gure herrian dauden egitasmo politiko guztiak berdintasunean eta benetako demokraziaren arauen arabera lehia egiteko aroa ikusi nahi dugu. Indarkeria guztiak iraganeko kontua izatea desiratzen dugu. Ziur gaude horretan ere Gabiren lagunak bagarela.

Hori dela eta, zerbait egin behar dugula deliberatu dugu eta “Gabi etxean nahi dugu. Errepresio gehiagorik ez!” lelopean Sopelan mobilizazio bat burutu nahi dugu.

Mobilizazioa, azaroaren 28an, 13:00etan, Sopelako udaletxetik abiatuko da eta bertan parte hartzeko Sopelako herri guztiari deia egiten diogu.

Etorkizunaren alde: eskubide guztiak, proiektu guztiak.


GAZTE ASANBLADA SOPELOZTARRAK BAT EGITEN DU DEIALDIAREKIN;
GABI ASKATU!!

2010/11/17

EGUN KUBATARRA


Zapatu honetan Egun Kubatarra ospatuko dogu Sekeko Gaztetxean. Kubaren errealitate politikora pixkat urbiltzeko eta ikasteko eguna izango da.

18:00etan kubaren egoerari buruzko eta hara joan diren brigaden inguruko hitzaldiarekin hasiko gara. Ondoren afari kubatarra dastatzeko aukera izango dogu eta baita prestatu dugun argazki erakusketa ikusteko ere.

Mozorro lehiaketa burutuko dugu, beraz, KUBATARREZ JANTZITA etorri behar zarete gaztetxera, Kubatar jatorrenak bere oparitxua jasoko baitu! Buzoia egongo da eta bakoitzak bozka emango dio mozorrorik gustokoenari.

Musika Kubatarra, mojitoak eta oso giro ona egongo da gure egun kubatar honetan!!


Animatu eta gozatu Gaztetxea!




2010/11/15

AHT JAN GENUEN GAZTETXEAN!!


Pasaden zapatuan, argazkian ikusten dozuen moduan, AHT literalki jan egin genuen. EGUZKI taldeak Abiadura handiko trenaren aurkako borrokan ibili diren eta ibiltzen diren guztiak omendu nahi izan zituen. Trena txikitu eta sabelak bete genituen!


AHTrik EZ!!

Hitzaldia Plaza Beltza Kulrturgunean

Aste honetako ostegunean, 19:00retan Nekazal Borrokak Hego Ameriketan hitzaldia egongo da Kulturgunean. Esti Redondo EHNEko kidearen eskutik.

2010/11/11

ZINEMALDIA domeka honetan hasten da


Sekeko Gaztexeko zinemaldia hilean birritan burutuko da, domeka arratsaldetan. Filmeak Sopelako kuadrila edo lagun talde ezberdinek aukeratuko dituzte eta beraz herriko gazteria izango da zinemaldiaren egile.
Domeka honetan, azaroak 14, TXOKO A kuadrilaren eskutik; UNDERGROUND filmea ikusteko aukera izango dugu 18:30etan.
Ondoren eta domekero bezala, Domeka beroa egongo da: Hanburgesak, musika, giroa...


UNDERGROUND

Azaroak 14

18:30etan (puntual hasiko da filmea)

2010/11/09

Txalaparta ikastaroa


Txalaparta ikastaroa hurrengo eguaztenean, azaroak 17, hasiko da. Eguaztenero burutuko dira klaseak Sekeko Gaztetxean, arrastiko 18:00etan, eta musutruk izango dira. Oraindik lekua dago gura duenarentzat.

Osasuna eta maitasuna!

2010/11/08

Jan ezazu AHT Sopelan!!


Zapatu honetan, hilak 13, Eguzki talde ekologistaren eskutik, AHTri buruzko jardunaldia izango dugu Sekeko Gaztetxean: JAN EZAZU AHT SOPELA lelopean hainbat ekimen antolatu dira. 19:00retan Hitzaldia egongo da gaur egungo egoera eta orokorrean AHTren kontrako borrokaren bilakaera ezagutzeko. Ondoren kaltetu zuzenen testigantzak plazaratuko dira; Atxondo, Aramaio eta Leginetxen AHTren obrak zuzenean pairatutako pertsonen bitartez.

Argazki erakusketa eta afaltzeko aukera egongo da eta 22:00etan Kontzertuak hasiko dira: Kantautorea eta Sagardolé Taldea.

Beraz, badakizue, jan ezazue AHT Sekeko Gaztetxean hurrengo zapatuan!!

2010/10/27

DOMEKERO HANBURGESAK GAZTETXEAN!



Domeka guztietan, 20:30 etatik aurrera hanburgesak afaltzeko aukera egongo da Sekeko Gaztetxean.
Prezio merkean eta gozo gozoak, hona hemen gure 'karta':
IGELTSERA: Letxuga, tomatea, kipula eta haragia 3€
GANEBARRI: Letxuga, tomatea, kipula, gazta eta haragia 3,5€
SEKEKO: Letxuga,tomatea, kipula, gazta, piperrak, hirugiharra eta haragia 4€
BEJETA: Letxuga, tomatea, kipula, gazta eta haragi bejeta 3,5€
Afarien lehenengo domeka: AZAROAK 7

2010/10/25

GAZTELEKUA. Norentzat eta Zertarako?


Gazte asanblada sopeloztarrak jakin berri du udal gobernuak Kurtzio Kultur Etxe berrian GAZTELEKUA martxan jarriko duela. Gaztelekuaren izaera eta funtzionamendua hurrengo hau litzateke:
1. 13 eta 18 urte bitartekoentzat zuzendua
2. 15 kideko talde bakoitzarentzat begirale bat
3. Jarduerak taldekideen arabera pentsatuak
4. Kanpo enpresa batek kudeatua
5. 17:00etatik 20:00etarainoko ordutegiarekin
6. 6€tako txartela atera beharra eukiko du

Eta azkenik, Gaztelekuaren helburuak ere finkatu egin dituzte eta hurrengoak dira:
Alde batetik, gazteak ondo pasatzea eta bestalde, gazteak kontrolatuak egotea.

Honen aurrean, eta zuzenean eragiten digun heinean, Gazte Asanblada Sopeloztarrak hurrengoa adierazi nahi du:
Gaztelekuaren proiektua gazteontzat sorturikoa izan bada ere, ez dira gazteak aintzat hartu edo ez dira kontutan hartuak izan proiektua diseinatzerako orduan.

Gazteek eta konkretuago Gazte Asanblada Sopeloztarrak, udalean aspaldi aurkeztua dauka proiektu propio eta partehartzaile bat: Gazteak egina eta gazteentzat. Asko laburbilduz, espazio autogestionatua eskatu genuen eta ezezkoa jaso.

13 eta 18 urte bitartekoentzat zuzendua dagoen esparrua ez du gazteriaren kolektiboa barru hartzen. 19 edo 20 baino gehiagoko gazteek ez dute gazteleku baten lekurik?

Enpresa pribatu batek kudeatuko du gazteen aisialdia. Hori da eskeintzen zaigun etorkizuna non gure sormena, irudimena eta burujabetasuna ez dira balore positiboak.

Beraz, analisi honen ondorioz, gure buruari galdetu egiten diogu, zein da gaztelekuaren benetazko helburua? Ados gaude gazteak kontrolatuak izateko esparru bezala jaio dela, eta hasieratik alboratu egiten gaituen proiektu honen helburu bakarra, haien irudi publikoa bedeinkatzea dela, eta ez gazteria laguntzea.

Kontrolatuak, menpekoak, iniziatibarik gabekoak eta konformaerrazak nahi dituzte gazteak, baina gu berez, gure sena jarraituz, berritzaileak eta sortzaileak gara. Eta ez hori bakarrik, argi daukagu zer nahi dugun eta horretan ez dugu kanpo kontrola edota inposaketarik ikusten.

Bide asanbleario, autogestionatu eta partehartzaileak hartzen jarraituko ditugu gure nahiak eta ametsak egi bihurtzeko. Gaztelekua bezalako proiektu mamigabea itxura eta itxurakerian oinarritua dagoelako eta ez delako gazteriaren aldeko benetazko apustua.

2010/10/22

Gazteon kontrako sarekada berria!

Espainiako Poliziak hamabost gazte atxilotu ditu gutxienez gaur, eta zenbait etxe, lokal eta Gaztetxe miatu ditu. Albiste agentziek jakinarazi dutenez, Araban, Bizkaian, Gipuzkoan eta Nafarroan atxilotu dituzte, horien arabera, "Segiren zuzendaritza berriro osatzeko bilera eta bilkuretan parte hartzeagatik". Horiei, beste bat gehitu dakieke, albiste agentzien arabera azken orduan hamalaugarren gazte bat atxilotu delako Poliziak.
Atxilotuen artean Imanol Beristain getxoztarra dago. Barrikan atxilotu omen dute eta bere etxea miatu ondoren, Itzubaltzetako "Branka" Herriko Taberna miatzera eraman dute. Gaur arratsaldeko 20:30etan Itzubaltzetan manifestazioa deitu dute.



IMANOL ETA BESTEAK ASKATU!!!!

2010/10/21

Literatura tailerra kulturgunean


Plaza Beltza kultur elkarteak, Urriak 28rako, literatura tailera antolatu dau. 19:00etan hasiko da ta lehenengo idazle aukeratua Joseba Sarrionandia izango da. Idazlearen "Kolosala izango da" liburuarekin tailerra hasiko da.


P.B. kulturgunea:

Irakurtzea plazera da, eta plazera besteekin, lagunekin, konpartitzen dugunean, biderkatu egiten da. Plazer hori zurekin konpartitu nahi dugu guk.

Plazaratua izan ostean, liburuak liburu bakar bat izateari utzi egiten dio, irakurle beste liburu izateko; irakurle bakoitzak liburua bere egiten baitu, “berridazten” baitu. Geuk ere zurekin “idatzi” nahi ditugu “Plaza Beltzan” irakurriko ditugun liburuak. Mahai baten inguruan solasean, zure egin duzun liburua eta nire egin dudana, gure bihurtu nahi ditugu.

Lagunen arteko giroan, liburu bakoitzean dagoen altxor preziatua topatuko dugu. Liburuaren orrietan idazleak ezkutatu dituen harribitxiak miretsi, aletu, banatu eta gureganatuko ditugu. Nork bereak aukeratu eta guztion eskuetan utziko ditugu.

Altxor horien bila etortzera animatzen bazara, irudimenaren bidaia elkarrekin egitera gonbidatzen zaitugu. Bidaiaren helmuga, norabidea, gidariak, garraiobideak… bidaian bertan erabakiko ditugu. Liburuen orrietan zehar murgilduko gara, astiro, gustura, eta konpainia onean, liburuak “berridatziz”.

Bidaiaren hasieran luxuzko gidaria hitzartu dugu: Joseba Sarrionandia. Bere eskutik, “Kolosala izango da” espedizioari emango diogu hasiera.

Hilaren 28an abiatuko gara, arratsaldeko 7:00etan Plaza Beltzan (akilino arriola 59. Larrabasterra)

2010/10/19

TXALAPARTA ikastarora apuntazeko epea zabalik


Kaixo lagunak!

Bigarren ikastaro batekin gatoz zuenera, Txalaparta ikastaroa hain zuzen ere. Tradizionalki sagardoaren eta baserriaren mundura lotua egon den euskal musika tresna hau jotzen ikasi nahi baduzu hau da zure aukera. Azaroan hasiko dira asteazkenero burutuko diren klaseak, eta ordutegi zehatza ez dugu finkatu, hori taldeak berak adoztuko duelako.

Bi maila egongo dira, bata hasiberrientzat eta bigarrena lehendik txalapartan aritu izan direnentzat.

Hilero kuota bat ordaindu beharko da irakasleari ordaintzeko.


Apuntatzeko era email bidez izango da: Bidali zure datuak (izen abizenak eta telefonoa) sopelakoga@gmail.com helbidera eta adierazi Txalaparta gaian. Ondoren gu jarriko gara zurekin kontaktuan.


Anima zaitezte! Gozatu gaztetxea!

2010/10/11

ALBOKA Tailerrera apuntatzeko epea zabalik!


Alboka tailerra datorren hilabetean, Azaroan, hasiko da Sekeko gaztetxean. Astelehenero izango dira klaseak 20:00etatik aurrera. Euskal musika tresna hau ezagutzeko eta ikasten jotzeko gogoa badaukazu, tailerrera apuntatzeko aukera baduzu hemendik aurrera. Apuntatzeko era oso erraza da; Bidali ezazu gure posta elektronikora mezu bat, zure izen abizena eta kontakturako telefono bat adieraziz eta ALBOKA TAILERRA jarri ezazu emailaren gaian. Ondoren gu jarriko gara zurekin kontaktuan.

sopelakoga@gmail.com

(Apuntatzeko eta informaziorako)

2010/10/06

Maputxeen historia eta borrokaren inguruko hitzaldia


Urriak 8, 18.00etan Plaza Beltza kulturgunean.
Gora herrien arteko elkartasuna!! Gabi ta besteak askatu!!

2010/10/01

Sekeko Martxan


Aupa lagunak!
Ohar honen bitartez, Gaztetxean burutuko diren tailerrak eta ekintzak laister hasiko direla helarazi nahi dizuegu. Urriaren amaieran dena egongo da martxan eta gure blogaren bitartez guztiaren berri izango duzue.
Ekintza guztiak koordinatzen gabiz eta ziur gaude zuen gustukoak izango direla asko eta asko.
Aurrerapen txiki bezala, esan, ALBOKA TAILERRA sortu dela eta interesa badaukazue gure emailera idatzi ahal dozuela informazio eske.

2010/09/28

Plaza Beltza Kulturguneko material barria

Plaza Beltzaren oharra:
"Gure asmoa epe laburrera, salmenta txokoa indartzea da, gure inguruko hainbat eragile sozialen alde egiteko, beti ere ikuspegi ez komertzial batetik. Zuen kolektiboaren materiala, argitalpen edo beste zeozer interesgarria badaukazue zabaltzeko, plaza beltzan daukazue zuen txokotxua."


AUTONOMIA OBRERA
Ez alderdi ezta sindikatuak, botere osoa asanblearentzat. 70. hamarkadan langile mugimendu berri boteretsu batek europar sistema kapitalista astindu zuen. Asanblearismoa, ekintza zuzena, autokudeaketa eta erabateko abtikapitalismoa ziren beren ezaugarri nagusia, ohiko langile erakundeak (alderdi zein sindikatuak) kolokan jarriz. Gazteleraz, ingeles zein euskarazko azpitituluekin.



BANLIEUES
DVD honek 2005eko amaieran frantziar hiri handietako behe auzoetan ("banlieues") izandako matxinaden inguruko sei dokumental aurkituko ditugu. Poliziarengandik ihes diren bi neraberen heriotzak matxinada pizten du. 8700 ibilgailu eta eraikin ugari sutan izango dira hurrengo asteetan. Euskara, gaztelera, ingelesa zein italierazko azpitituluekin.



ALTA TENSION
Egitasmo faraoniko batek Gasteizeko azpiestazio elektrikoa Maruarte-Castejoneko egitura elektrikoarekin lotu nahi du, Nafarroan. Hortarako lurraldean 110 kilometroko orbaina egin nahi dute. Herriaren erantzuna lurraren alde ez da berandutzen. Gehigarri bezala Joseba Girbao eta Pablo Llorenteri eginiko elkarrizketak aurkituko ditugu. Euskara zein ingelesezko azpitituluekin.

"Taldeen materiala salgai: gazte asanblada sopeloztarra, itzubaltzeta gaztetxea, txorimalo gaztetxea, eztabaida, gatazka, eguzki sopela, ekintza zuzena, sare antifaxista, harrosko banaketak, atadxs a nada, bazuka al bakala, aizu!, joturo ... eta gurea noski!"

Plaza Beltza Kulturgunea (Akilino Arriola ,59).

Gudari eguna 2010

2010/09/09

Uribe Kostako Martxa irailaren 17tik 19ra burutuko da


Irailaren 17, 18 eta 19an burutuko da aurtengo Uribe Kostako Martxa, "Gazte borrokaz, Uribe Kosta eraiki" lemapean. Erandion hasi eta Plentzian amaituko da martxa, eskualde osoa independentziaren aldeko gazte olatuaz buztiko duelarik.

Ibilaldi soil bat izatetik haratago, asteburuan zehar martxan parte hartuko duten gazteek gaur egungo sistema kapitalista patriarkalaren aurrean euskal gazteriak duen aukera posible bakarra independentzia dela irudikatuko dute.


Ostirala:

•18:30 Harrera ekitaldia (Erandioko metroko plazan)
•19:30 Palestinaren inguruko hitzaldia (Leioako Boulebarrean)
•21:00 Afaria
•22:00 Drogen inguruko solasaldia

Zapatua:

•08:00 Diana
•08:30 Gosaria
•09:30 Makroaraztegiaren inguruko hitzaldia (Lamiakoko plazan)
•10:30 Euskal Estatuaren bideragarritasuna (Erromoko Santa Eugenia plazan)
•12:30 Hamaiketakoa (Algortako Portu Zaharrean)
•13:15 Gazte Tribiala (Algortako Teilagorri plazan)
•15:15 Gazte Bazkaria (Azkorrin)
•17:30 Maskulinitate eta feminismo tailerrak (Berangon)
•21:00 Afaria 2
•2:00 Gazte mugimenduaren bilakaera
•gero...Gaubela

Domeka:

•08:00 Diana
•08:30 Gosaria
•09:30 Gazteria eta errepresioa (Sopelako udaletxe plazan)
•13:00 Ekitaldia (Plentziako 21 plazan)
•15:00 Bazkaria
•17:00 Kontzertuak eta erromeria

Gazte martxak

2010/08/19

KOMANTXE KONPARTSA ERASOEN AURREAN

Bilboko Okupazio Mugimenduko Konpartsatik ez gaituzte harritzen Bilboko Konpartsak bultzaturiko jai herrikoi eta parte-hartzaile ereduaren aurkako azken erasoek, hala ere, gertakari hauen larritasunaz ohartaraztea gustatuko litzaiguke.

Zoritxarreko istorio honen azkeneko kapitulua 2010eko Ekainaren 17ko “El Correo Español” egunkarian argitaratu zen, Konpartsero Egunean hain zuzen ere. Bertan, bere “iturrien” arabera, Komantxe Konpartsak Bilboko Aste Nagusian Arenaleko txosnagunean txosnarik jarriko ez zuela zioten.

Lehen argumentuak, txosnaren muntaia desegokiari egiten dio erreferentzia gune berdeak zapaltzearen aitzakiarekin, baina plano eta dokumentuetan ikus daitekeen moduan ez da batere egia. Komantxe konpartsak Arenaleko kioskoaren ondoan ezarriko du txosna, plazaren barruan iturri bat duelarik. Txosnaren estruktura eta belartzaren artean metro eta erdiko espazioa dago gutxi gora behera, beraz norberak egin ditzala nahi beste kalkulu.

2010/08/04

Jon Anzaren omenaldia

2010/07/21

Jon Anzari omenaldi nazionala Ziburun


2010/07/20

I. Akanpada Antidesarrollista Uraiagan



Abuztuaren 5etik 10era Uraiagan (Bizkaia)

Osteguna 5
16:00etan: Depuradoran, elkarrekin igotzeko
Uraiagara iristerakoan: Aurkezpen asanblada, drogei buruzko txarla, afaria, inprobizazioak, …

Ostirala 6
Goizean: Mendi martxa
15:00etan: Bazkaria
17:30tan: Anti-TAV hitzaldia
Gero: Taller de nudos, afaria, kantautoreak, …

Larunbata 7
Goizean: Denok Galdamesera eta bertan eguna pasa (txarla, jokuak, herri bazkaria, …)
Arratsakdean: Uraiagara buelta, afaria eta antzerkia

Igandea 8
Goizean: Taller sobre el movimiento antidesarrollista (Jtxo Estebaranz-ekin)
Bazkaria eta gero txarla-eztabaida Kolektiboekin
21:00etan: Afaria eta kantautoreak

Astelehena 9
Goizean: Taller de cocina solar y escalada
15:00etan: Bazkaria eta gero “Historias de la época minera”
21:00etan: Afaria

Asteartea 10
Goizean: Mendi martxa
15:00etan: Bazkaria eta gero hitzaldia “Soberanía alimentaria” (EHNE)
Bukatzeko asamblea despedida

Informazio telefonoa: 638278713

Elkartasun brigadak



Faxismoaren aurrean antolakuntza eta borroka!

2010/07/19

Aresen txakurrak Larrabasterrako txosnagunera berriro sartu dira



Gaur barriro ere, polizia autonomikoaren hiru kotxe txosnagunera sartu dira. Pankarta eta preso politikoen argazkiak kendu egin dituzte.


Adierazpen askatasuna!


2010/07/16

Txakurrak Larrabasterrako txosnagunean sartu dira

Gaur goizean, zipaioak Larrabasterrako txosnetara hurbildu dira eta han zeuden pankartak eta preso politikoen argazkiak eraman egin dituzte.

Alde hemendik!

2010/07/15

Txakurrak barriro Sopelako kontzentrazio bat erasotzen


Pasaden astelehenean, astero egiten den preso politikoen aldeko kontzentrazioa amaitu ondoren, bapatean txakurren furgoneta bat agertu zan eta han zeuden solidarioak identifikatu eta pankartari, inguruan zebiltzan herritarrei zein beste hainbat gauzei argazkiak egin ostean, udalerriko hainbat preso politikoren irudiak konfiskatu eta tokitik alde egin zuten.
sopela.net


Gure elkartasuna adierazten jarraituko dogu!

Espetxeak apurtu!

Xabier de la Mazak tortura testigantza berretsi dio epaileari


Pasaden uztailak 13, Xabier de la Maza Gorlizko gazteak bere tortura salaketa berretsi zuen Alicanteko epaitegiaren aurrean. Xabier, 2009ko abenduaren 18an atxilotu zuten Gorlizen, azaroan burututako 34 gazteen aurkako sarekadarekin lotura zuelakoan. Polizia Nazionalaren esku 3 egunez inkomunikaturik egon ondoren, Fernando Grande-Marlasca epaileak espetxera bidali zuen. Inkomunikazioa altxatu ostean, Xabierrek poliziaren esku egondako egunetan etengabeko mehatxuak eta irainak jasan zituela salatu zuen.

Xabierrek gertaera hauen harira jarritako salaketa dela eta, atzo Alicanteko epaitegian egon zen bere tortura salaketa berresten. Berak emandako testigantzaren arabera, etengabeko legez kanpoko galdeketak jasan zituen mehatxu eta iraindu egiten zuten bitartean bere aurkako inkulpazioa lortzeko nahiarekin. Gorlizetik Bilboko komisariara eramaten zuten bitartean, poliziek Sopelako hondartzako parkinera eramango zutela esan zioten, bertan inor egongo ez zela esanez eta bertan nahi zutena egingo ziotelarik. Bere lagunak atxilotuak zeudela sinistarazi zioten eta une batean, Bilboko komisarian oihuak entzutera heldu zen, bere lagunenak zirela sinistuz. Bilboko komisarian, komun batean eduki zuten sartuta, etengabe zutik eta paretari begira egotera behartuz. Bestalde, mehatxuak eta irainak egiten zizkien poliziak identifikatzeko gai dela esan du, zehatz-mehatz, deklarazio polizialean presente egon ziren bi poliziak zirela esanez.

Torturaren Aurkako Taldetik, beste behin ere salatu nahi dugu inkomunikazioak indarrean jarraitzen duen bitartean, horrelako salaketak egoten jarraituko dutela. Inkomunikazioa da torturatzeko esistitzen den inpunitate esparrua ahalbidetzen duen tresna eta horren desagerpenarekin lortuko dugu bakarrik torturarekin amaitzea. Xabierren kasuan ere, ikusi dugu zein den poliziak erabiltzen duen manuala norbere aurkako inkulpazioak lortzeko. Jakin badakigu polizia guztiek erabiltzen dutela tortura, eta hori argi geratu zen duela hilabete batzuk atxilotu baten etxean agertutako txostenean. Atxilotuek ez dute inolako manualik erabiltzen; manuala erabiltzen duten bakarrak euskal herritarrak atxilotu eta torturatzen dituzten polizia guztiak baino ez dira.
etengabe